𝐎𝐜𝐭𝐨𝐛𝐞𝐫 𝟐, 𝟐𝟎𝟐𝟔 – Matagumpay na naisagawa sa bayan ng Looc, Romblon ang pagdiriwang ng Provincial Elderly Filipino Week 2026, na pinangunahan ng Provincial Social Welfare and Development Office sa pakikipagtulungan ng National Commission of Senior Citizens. Mainit at boung-pusong sinuportahan naman ito ng Pamahalaang Bayan ng Looc sa pangunguna ni Mayor Atty. Lisette Medina Arboleda, katuwang ang Municipal Social Welfare and Development Office (MSWDO) sa pangunguna ni Sir Ronald Fetalsana bilang host municipality.

 

Nakiisa sa makabuluhang pagdiriwang ang mga senior citizen mula sa iba’t ibang bayan ng Romblon, tampok ang kanilang sigla, talento, at aktibong pakikilahok sa iba’t ibang programa at aktibidad bilang pagkilala sa mahalagang papel ng ating mga nakatatanda sa pamilya at komunidad.

 

Nagpakita rin ng suporta si Governor Trina Fabic Firmalo, kasama ang ilang miyembro ng Sangguniang Panlalawigan, bilang pagpapahalaga at pagkilala sa kontribusyon ng ating mga senior citizen sa lalawigan.

 

Dumalo rin at nakibahagi ang mga Alkalde ng Bayan ng Ferrol at Sta. Maria, kasama ang kanilang mga kinatawan mula sa sektor ng senior citizens, bilang pagpapakita ng pagkakaisa at patuloy na suporta para sa kapakanan ng ating mga nakatatanda.

 

Isang makabuluhan at masayang pagdiriwang para sa ating mga Elderly Filipinos—pagpupugay sa kanilang mga ambag, karanasan, at mahalagang papel sa paghubog ng ating mga pamayanan.

 

#LoocArangkadaNa!