𝟎𝟓 𝐎𝐜𝐭𝐨𝐛𝐞𝐫, 𝟐𝟎𝟐𝟔 – Opisyal nang pinasinayaan ang bagong konkretong daan sa Sitio Dumrog, Poblacion, Looc, Romblon, isang proyektong naglalayong mapabuti ang access at transportasyon para sa mga residente ng lugar.

 

Ang proyektong ito ay naging posible sa pamamagitan ng pakikipagtulungan ng 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁 𝗨𝗻𝗶𝘁 𝗼𝗳 𝗟𝗼𝗼𝗰 at 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝘁𝗵𝗲 𝗜𝗻𝘁𝗲𝗿𝗶𝗼𝗿 𝗮𝗻𝗱 𝗟𝗼𝗰𝗮𝗹 𝗚𝗼𝘃𝗲𝗿𝗻𝗺𝗲𝗻𝘁 (DILG). Bahagi ito ng programang na-avail ng Municipality of Looc matapos makamit ang 𝗦𝗲𝗮𝗹 𝗼𝗳 𝗚𝗼𝗼𝗱 𝗟𝗼𝗰𝗮𝗹 𝗚𝗼𝘃𝗲𝗿𝗻𝗮𝗻𝗰𝗲 (SGLG) noong 2025.

 

May kabuuang 405 meters ang concreted road project -320 meters na pinondohan ng LGU ng Looc at 85 meters mula sa DILG.

 

Ayon kay 𝗠𝗮𝘆𝗼𝗿 𝗔𝘁𝘁𝘆. 𝗟𝗶𝘀𝗲𝘁𝘁𝗲 𝗠. 𝗔𝗿𝗯𝗼𝗹𝗲𝗱𝗮, patuloy lamang na ginagampanan ng Local Government ang trabaho at responsibilidad nito para sa mga Loocnon. Ang pagkamit naman ng Seal of Good Local Governance ay dumating bilang isang 𝗴𝗮𝗻𝘁𝗶𝗺𝗽𝗮𝗹𝗮 at resulta ng patuloy na pagsisikap at paglilingkod.

 

Higit pa sa pondo at programa, naging mahalaga rin ang kabutihang-loob ng 𝗕𝘂𝗵𝗮𝘁 𝗙𝗮𝗺𝗶𝗹𝘆 at 𝗠𝗲𝗿𝗾𝘂𝗲 𝗙𝗮𝗺𝗶𝗹𝘆, na nag-donate ng lupa na naging bahagi ng lugar na pinagdausan ng road project. Maraming salamat po sa inyong malaking ambag para maisakatuparan ang proyektong ito para sa komunidad.

 

Personal ding dumalo at nagpakita ng buong suporta sina DILG Regional Director Rey S. Maranan at DILG Provincial Director German F. Yap, kasama ang iba pang kinatawan at katuwang ng pamahalaan.

 

Dumalo rin sa okasyon sina Vice Mayor Bong Osorio, SB Member Jimwel Soriano, SB Member Benjie Galindez, Engineer Genecris Lachica, at ang mga Barangay Officials ng Poblacion na nanguna at naging bahagi ng isinagawang inauguration.

 

Ang kalsadang ito ay higit pa sa konkretong daan-ito ay dagdag na access, kaginhawaan, at oportunidad para sa mga residente ng Sitio Dumrog at sa buong komunidad.

 

Patuloy ang serbisyo. Patuloy ang pag-unlad. Para sa bawat Loocnon.