Matagumpay na nagtapos ang 3-Day Community Sub-Project Management Committee (CSPMC) Training na naglalayong mas maunawaan ng ating community volunteers ang kanilang mga tungkulin, mga patakarang dapat sundin, at responsibilidad sa pagpapatupad ng mga proyekto sa kanilang barangay.

 

Para sa huling araw ng training, tampok ang ating mga 𝗰𝗼𝗺𝗺𝘂𝗻𝗶𝘁𝘆 𝘃𝗼𝗹𝘂𝗻𝘁𝗲𝗲𝗿𝘀 mula sa 𝗕𝗮𝗿𝗮𝗻𝗴𝗮𝘆 𝗧𝘂𝗴𝘂𝗶𝘀. Personal din nilang nakasama si 𝗘𝗻𝗴𝗿. 𝗥𝗮𝘆𝗺𝗼𝗻𝗱 𝗟𝗶𝗯𝗮𝗿𝗿𝗮, Deputy Regional Program Manager (DRPM), na nakiisa sa pagsasanay.

 

Saludo sa ating community volunteers! Kusang-loob nilang inilalaan ang kanilang oras at lakas upang makatulong sa mga proyekto ng KALAHI-CIDSS. Malaki ang kanilang papel sa tagumpay ng mga proyektong naglalayong mapaunlad ang ating mga barangay.

 

Taos-puso rin ang ating pasasalamat sa buong Area Coordinating Team (ACT) at Municipal Coordinating Team (MCT) ng KALAHI-CIDSS sa kanilang walang sawang paggabay, pagsisikap, at dedikasyon sa pagsasakatuparan ng mga proyekto para sa ating mga komunidad.

Sama-sama sa pagkilos, sama-sama sa pag-unlad!